Këshilli ekzekutiv i Hezbollahut emëroi Hashem Safiedin, një figurë e shquar në udhëheqjen e grupit militant nga Libani, si pasardhës i liderit të vrarë dy ditë më parë Hassan Nasrallah si sekretar të përgjithshëm, sipas burimeve të portalit Al Arabia.
Nasrallah u vra në selinë e tij nëntokësore shumë të fortifikuar, të ndërtuar nën një kompleks me gjashtë ndërtesa në zemër të Dahiya, një periferi jugore e Bejrutit, në një sulm masiv ajror izraelit të premten. Thuhet se ai vdiq nga mbytja në një bunker të paajrosur, prandaj trupi i tij u tërhoq i paprekur nga rrënojat.
Safieddin (Safi Al-Din), është një i afërm i Nasrallah dhe ishte një nga oficerët e lartë që nuk ishin të pranishëm në skenën e sulmit ku u vranë disa komandantë të lartë të Hezbollahut.
Ai është përgatitur për të pasuar Nasrallah që nga viti 1994, kur u thirr nga Como në Bejrut për të kryesuar këshillin ekzekutiv dhe për të mbikëqyrur operacionet politike të grupit. Sipas disa raporteve, në vitin 2008, Nasrallah propozoi Safiedinin si pasues të tij pasi mësoi për planin e Izraelit për ta vrarë atë.
Safiedin ka qenë kreu i këshillit ekzekutiv të grupit deri më tani. Familja e tij është shumë e respektuar në qarqet shiite dhe përfshin disa teologë dhe politikanë. Vëllai i tij Abdullah është përfaqësues i Hezbollahut në Iran dhe djali i tij Reda është i martuar me vajzën e të ndjerit Qasem Soleimani, gjeneralit iranian të vrarë në një sulm me dron amerikan në vitin 2020.
Burimi: botasot.info
