Elon Musk ka implementuar ndryshimin kontrovers për opsionin e bllokimit të cilin e njoftoi në Shtator. Përditësimi i fundit lejon përdoruesit e bllokuar të shohin postimet e llogarive prej të cilave janë bllokuar megjithatë nuk mund të ndërveprojnë me to.
Përdoruesit që vizitojnë një llogari e cila i ka bllokuar ballafaqohen me një mesazhe që thotë se “mund të shohin postimet e tyre publike por jo të ndërveprojnë me ta.”
Më përpara shfaqej vetëm një mesazh “Ju jeni bllokuar” pa asnjë cicërimë, replikë apo ndonjë lloj përmbajtje tjetër.
X ishte shprehur më herët se ndryshimi është bërë për arsyet se përdoruesit mund të shikonin llogaritë prej të cilave janë bllokuar duke përdorur një llogari tjetër.
Megjithatë ekspertët thonë se ndryshimi redukton sigurinë e përdoruesve të cilët e kanë përdorur opsionin si mënyrë për tu mbrojtur nga përndjekësit. Gjithashtu përdoruesit thonë se ndryshimi i mënyrë së funksionimit të butonit të bllokimit mund të bjerë në kundërshti me politikat e App Store në iOS dhe Play Store në Android të cilët kërkojnë një funksion të tillë për bllokimin e përdoruesve abuzivë.
/PCWorld Albanian
Burimi: pcworld.al
