Historia tronditëse, pas 16 vitesh martesë shqiptari vret gruan shtatzënë

Shqipëri, oficerë të policisë gjyqësore janë njoftuar se në qytetin e Orikumit, në një shtëpi të braktisur, gjendet një grua e vdekur.

Policia kontaktin e parë e ka patur me shtetasin Shpëtim Çeliku, bashkëshorti i gruas së vdekur.

Ai fillimisht ka deklaruar se e ka gjetur gruan pa jetë dhe nuk dinte shkakun e vdekjes. Vetëm disa orë më vonë ai do të pranonte se e kishte vrarë bashkëshorten e tij.

Një rrëfim gjysëm i vërtetë, pasi nuk ka rrëfyer kohën e vrasjes, mënyrën e ekzekutimit të bashkëshortes shtatzanë, si dhe veprimet që ka kryer më pas.

Shpëtimi dhe Manushaqja ishin të martuar prej 16 vitesh dhe nga martesa e tyre kishin 3 fëmijë.

Në atë kohë përkatësisht një djalë 12 vjeç dhe dy vajza 7 dhe 3 vjeç. Ndërkohë që Manushaqja ishte në mujan e 6 të shtatzanisë. Priste të sillte në jetë një tjetër djalë.

Familja kishte rreth një muaj që ishte vendosur në qytetin e Orikumit. Ishin në kërkim të një jete më të mirë. Ata banonin në një shtëpi të braktisur dhe që nuk kishte as kushtet më minimale.

“Kur mami dhe babi shkojnë të mbledhin kanoce unë dhe motra rrimë në shtëpi, ndonjëherë shkojmë edhe ne me ata kur nuk është shumë ftohtë. Por edhe te shtëpia ime bën shumë ftohtë pasi nuk ka dritare. Vetëm te dhoma ku flemë ne me mamin dhe babin ka derë, është shtëpi e vjetër aty nuk ka as televizorë. Nuk ka asnjë gjë. Për tu ngrohur mami na ndez një zjarr brenda në dhomë në një cep”, dëshmia e vajzës 7 vjeçare.

Shpëtimi mendonte se ky qytet do ti ofronte më shumë punë në mbledhjen e kanoçeve dhe të hekurave. Por xhelozia duket se po i errësonte sytë çdo ditë e më shumë. Sipas dëshmisë së vajzës së tyre, ai ishte i dhunshëm me Manushaqen.

“Mami bënte punë, babi pinte raki dhe e rrihte mamin”, dëshmia e vajzës 7 vjeçare.

GAZETA.MK

Story i mëparshëm

Ndryshimet klimatike vënë në rrezik të ardhmen e Lojrave Olimpike Dimërore

Story i radhës

Pasuria i bën njerëzit egoistë

Të fundit nga

AlbanianMacedonianEnglish