– VMRO-DPMNE është partia e vetme në Maqedoni, e cila gjatë tre dekadave të veprimtarisë së saj është asociuar apo quajtur probullgare. E sulmuan edhe Blazhe Koneskin, sepse gjuhën dhe shkriin e gjuhës maqedoanse i paska larguar nga gjuha dhe alfabeti bullgar!
Shkup, 31 tetor/desk.mk – LSDM-ja lëshoi një “breshëri” ndaj VMRO-DPMNE-së, duke e akuzuar se “është e lidhur drejtpërdrejt me klubet bullgare të hapura në Manastir dhe Ohër, të cilat mbajnë emra të figurave historike kontroverse dhe provokuese”.
Vetë Mickoski konfirmoi vazhdimësinë e VMRO-DPMNE-së në veprimet e saj me Vanço Mihailovin, bashkëpunëtor i Rajhut të Tretë, akuzoi LSDM. Për më tepër, partia në pushtet akuzon se VMRO-DPMNE është adhuruese ideologjike e njerëzve që ishin ithtarë të Rajhut të Tretë, feston dhe lavdëron veprën dhe rolin e Vanço Mihailovit. Në të njëjtën kohë, ata rikujtuan se VMRO-DPMNE ndërtoi një shtëpi përkujtimore në Shtip për nder të Mihailovit dhe e vendosi figurën e tij prej dylli në një muze në Shkup, se anëtarë të VMRO-DPMNE morën pjesë në hapjen e klubit bullgar në Manastir dhe Mickoski kishte dale në foto me themeluesit e klubit bullgar në Ohër.
Çdokush do të thoshte se në vlugun e një lufte të pamëshirshme politike, një parti i lejon vetes të drejtën të shpifë për kundërshtarët e saj. Por a është kështu?
Fakti që Mickovski ishte në hapjen e klubit në Bllagoevgrad, duket akt patriotik, në mbrojtje të maqedonizmës, por nga pohimet e lartpërmendura të LSDM-së, që janë lehtësisht të “verifikueshme”, del në pah gjithë politikën dyfishe ndaj çështjes kombëtare. Figura e dyllit e Vanço Mihailovit u vendos zyrtarisht në Muzeun e Luftës Kombëtare pikërisht nga qeveria e VMRO-së, me arsyetimin e çuditshëm se ai ishte pjesë e historisë maqedonase. Po, kanë të drejtë, por cila pjesë? Natyrisht, e pjesës së errët, prej së cilës populli maqedonas vuajti shumë nga lufta vëllavrasëse që ai drejtoi përmes VMRO-së, qëllimi i së cilës ishte bashkimi i Maqedonisë me Bullgarinë.
Shqetësimi për maqedonasit jashtë vendit, si ky akt i pjesëmarrjes në hapjen e klubit maqedonas “Nikola Vaptsarov”, është bërë një lloj shenje dalluese e kujdesit për pakicën maqedonase në vendet e tjera apo mërgimtarët maqedonas në vendet tejoqeanike. Por pikërisht këto marrëdhënie, po t’i shikojmë më tellë, janë mjaft të diskutueshme. Shumë diplomatë tanë që I kanë ndjekur disa nga këto organizata, në raportet e tyre kanë tërhoqur vëmendjen për orientimin e tyre probullgar. Dosjet dhe dokumentet e ndryshme në Arkivin Shtetëror, veçanërisht nga shtypi i tyre, do t’ju japin një pasqyrë të qartë se për çfarë orientimi bëhet fjalë, nëse ata mbronin çështjen maqedonase apo ndonjë tjetër. Dhe kjo është lehtësisht e verifikueshme, vetëm VMRO-ja di të manipulojë shumë lehtë faktet.
Në fund të fundit, është një fakt i pamohueshëm se ishte VMRO-DPMNE, apo përfaqësuesit e saj të lartë, ata që goditën themelet e gjuhës maqedonase, për të cilën sot aq shumë kujdesen: se gjuha maqedonase është krijim i “xhuxhit nga Nebregova” (Blaze Koneskit). Mund të argumentohet nga pikëpamja shkencore apo historike për këtë çështje, por kur disa të tjerë mëtojnë ndriçimin e së kaluarës, edhe në këtë kontekst, për të cilën VMRO-ja kishte apo ka pikëpamje të ndryshme, ata paraqiten para publikut me një fytyrë krejtësisht tjetër
Në fund të fundit, partia e vetme në Maqedoni që gjatë tre dekadave të veprimtarisë së saj është trajtuar apo quajtur si pro-bullgare është pikërisht VMRO-DPMNE.
Populli thotë se ku ka tym, nuk është pa gjë!
Sikur populli dhe ta kuptonte këtë hipokrizi me të cilën VMRO krijon mjegull dhe “blen” simpati nga votuesit!
