Karabinierët e Foggia-s në Itali kanë arrestuar tetë persona të akuzuar si pjesë e një organizate kriminale që përdorte eksploziv për të sulmuar ATM-të në banka dhe zyra postare në rajone të ndryshme të vendit. Ata akuzohen për arsye të ndryshme si, konspiracion kriminal me qëllim vjedhjen e rënduar me përdorimin e lëndës plasëse, shkelje të ligjit për armët, marrjen e mallrave të vjedhura dhe pastrim parash.
Banda, e cila kishte bazën e saj në provincën e Foggia, kishte përdorur bomba artizanale për të dëmtuar kasafortat e lidhura me pajisjet automatike të tërheqjes së parave. Sipas hetimeve aktiviteti kriminal i tyre përfshinte përdorimin e makinave të vjedhura me motor të madh, ose me targa të klonuara, për udhëtime, si edhe përdorimi i kartave të kreditit të parapaguara, të ofruara nga një prej të dyshuarve dhe të regjistruara për të huajt, të futura në foletë e ATM-ve për të siguruar hapjen e tyre dhe për të lejuar futjen e mëvonshme të marmotës.
Sipas hetimeve banda është përgjegjëse për 17 nga mbi 80 sulmet e kryera kundër bankave dhe zyrave postare midis korrikut dhe shtatorit 2024 në Puglia në provincat e Foggia dhe Bari, në Piemonte, në provincën e Torinos, ku një i dyshuar shërbente si lidhje me atë territor), në Kampania (në provincën e Avellino), Lombardia (në provincat e Pavias dhe Milanos) dhe Bazilikata (në provincën e Potenzës). Në të 17 sulmet u grabitën gjithsej rreth 290 mijë euro.
Gjatë hetimeve u dokumentua mënyra sesi paratë e vjedhura nga ATM-të pastroheshin dhe ricikloheshin. U konstatuan mënyrat e ndarjes së të ardhurave që përfshinin, ndër të tjera, një listë çmimesh për pjesëmarrësit dhe pagesën në rast të një përfundimi të suksesshëm të grabitjes.
Gjatë kontrolleve të kryera gjatë arrestimeve, janë sekuestruar dokumente të shumta identiteti, karta krediti të rikarikueshme, kartëmonedha, fishekë të kalibrit 12 dhe 7.65, tre makina, tre targa, 261 fishekzjarre, 2.20 metra fitil për “bombat” dhe katër ora të çmuara.
Burimi: botasot.info
