Instituti për Studimin e Luftës (ISW) ka nxjerrë një hartë të re të luftës nga Ukraina.
Ata thonë se forca e artilerisë ruse është ndoshta ende e pamjaftueshme për të lejuar përparimin rus brenda Severodonetsk.
Forcat ruse vazhduan të përgatiteshin për të avancuar në Slavyansk në juglindje të Izjum dhe në perëndim të Luhansk.
Instituti për Studimin e Luftës deklaron gjithashtu se rusët janë fokusuar në forcimin e pozicioneve mbrojtëse përgjatë boshtit jugor për shkak të kundërsulmeve të fundit të suksesshme të Ukrainës përgjatë kufirit të rajonit Kherson-Mykolaiv.
Ata shtojnë se forcat ukrainase kanë kryer kundërsulme të suksesshme në zonën e Zaporizhzhia, andaj rusët janë të detyruar ta forcojnë më shpejt këtë sektor të dobësuar të fushëbetejës.
Forcat ruse vazhdojnë të grumbullojnë pajisje dhe fuqi punëtore në rajonin qendror të Zaporizhzhia, me sa duket në përgjigje të kundërsulmeve ukrainase.
Administrata rajonale ushtarake ukrainase e Zaporizhzhia tha se trupat ruse po lëviznin pajisje dhe automjete nga Krimea përmes Melitopolit në zonat Vasilivka dhe Polokha dhe se grupet ruse të sabotimit u përleshën me ushtarët ukrainas pranë kufirit Zaporizhzhia dhe Donetsk.
Sipas Institutit për Studimin e Luftës, rusët po grumbullojnë forca në Zaporizhzhia për t’u mbrojtur nga kundërsulmet e Ukrainës kundër Melitopolit që mund të kërcënojnë kontrollin rus mbi qytetin.
