Dita e 1 majit më e ftohtë në 70 vitet e fundit u regjistrua në Greqi, veçanërisht për shkak të erërave veriore dhe shiut, sipas meteorologut Panagiotis Giannopoulos, i cituar sot nga disa media greke.
“Në vitin 1987, temperatura në Athinë ishte 17 gradë Celsius, në vitin 1944 ishte 16 gradë, dhe këtë 1 Maj, ishte 14 gradë, rekordi më i ulët në 70 vjet”, shpjegoi meteorologu për median greke ”Ta Nea” dhe faqen e internetit in.gr.
Të shtunën, reshje dëbore u vunë re edhe në disa rajone malore të vendit, si në veri pranë Serres dhe në Arcadia, në Peloponez.
Sidoqoftë, vala e të ftohtit nuk pritet të zgjasë, sipas parashikimeve të motit, pasi temperaturat pritet të kthehen në normale për sezonin, mbi 20 gradë Celsius, duke filluar nga java e ardhshme.
Burimi: botasot.info
