Një tjetër shërbimi i Google do ti bashkohet varrit të aplikacioneve të kompanisë. Gjiganti i kërkimit në heshtje të plotë mbylli aplikacionin Duplex në ueb.
Në faqen e saj të suportit kompania thotë se shërbimi nuk do të funksionojë pas fundit të 2022.
“Ndërsa punojmë për të përmirësuar eksperiencën e Duplex, i përgjigjemi edhe kërkesave të përdoruesve dhe zhvilluesi sesi mund ta bëjmë më mirë,” tha një përfaqësues i kompanisë.
“Nga fundi i vitit do të mbyllim Duplex në ueb dhe të përqendrohemi plotësisht në avancimet e inteligjencës artificiale për teknologjinë zanore të Duplex e cila ndihmon njerëzit çdo ditë.”
Google lançoi për herë të parë projektin Duplex në ueb në 2019-ën si një zgjerim i Duplex inteligjencës artificiale e cila mund të planifikonte telefonata.
Fillimisht funksionaliteti ishte dizajnuar për të ndihmuar përdoruesit të blejnë bileta filmash. Duplex në ueb i dha mundësinë asistentit të navigonte vetë uebsajtet.
Për shembull nëse kishit kartën tuaj të kreditit të ruajtur në Chrome, Assistant mund të kryente pjesën e rezervimit të biletave të filmit. /PCWorld Albanian
