Rusia goditi Google me një gjobë prej 373 milionë dollarësh me arsyetimin se ka dështuar të kufizojë aksesin në materiale të ndaluara rreth luftës në Ukrainë.
Roskomnadzor, autoritetet rregullator i komunikimeve elektrike në vend, tha se informacioni përmbante raportime të rreme të cilat kanë diskretituar ushtrinë e Rusisë dhe bënin thirrje për protesta.
E quajti Google një shkelës sistematik të ligjeve të komunikimeve elektronike. Filiali i Google në Rusi deklaroi muajin e kaluar falimentin. Lëvizja erdhi pasi autoritetet Ruse konfiskuan llogarinë e saj bankare.
Në vitet e fundit Rusia ka shtuar presionin mbi firmat e teknologjisë duke i akuzuar ato për mos moderimin e përmbajtjeve siç duhet dhe ndërhyrë në punët e brendshme të vendit.
Përpjekjet për kontrollimin e medias sociale dhe sajteve të tjera të lajmeve janë përshkallëzuar në Rusi që kur nisi pushtimi i Ukrainës në Shkurt.
Madje qeveria ka miratuar një ligj që dënon me 15 vite burg kur shpërndan lajme të rreme rreth luftës. /PCWorld Albanian
