Gjykata Themelore e Prishtinës ia ka refuzuar ankesën Gramoz Vokrrit, i cili ishte në proces për të garuar për pozitën e kryetarit të Federatës së Futbollit të Kosovës.
Vokrri ishte ankuar në gjykatë se Kuvendi Zgjedhor i FFK-së është i parregullt.
Por, kjo gjykatë e ka vlerësuar si të pabazuar ankesën e tij.
Sipas burimeve shumë shpejt pritet të publikohet vendimi.
Para disa ditësh, Gramoz Vokrrit nuk iu mundësua garimi për të parin e FFK-së për shkak të disa nënshkrimeve të delegatëve të cilat ishin shpallur të pavlefshme.
