Gjilani sprovohet nga Llapi, Drita në Klinë kundër Dukagjinit.
Elita e futbollit të Kosovës vazhdon sot me tri ndeshje që janë në program për tu zhvilluar në kuadër të xhiros së 25-të në BKT Superligë.
Tri duelet do të jenë shumë interesante dhe shumë të rëndësishme për pikët sa i përket gjashtë skuadrave që zbresin në fushë.
Por padyshim vëmendja e adhuruesve të futbollit do të jetë më e madhe në derbin mes Gjilanit dhe Llapi, ku dy skuadrat janë duke luftuar për titullin e kampionit.
Kjo sfidë do të filloj me fillim nga ora 13:30, derisa vendasit synojnë të rikthehen te fitorja pas barazimit në derbin lokal ndaj Dritës.
