Autoritetet gjermane ndaluan përdorimin e flamujve dhe simboleve ruse gjatë përkujtimit të Ditës së Fitores, transmeton Anadolu.
Policia e Berlinit zbatoi kontrolle të rrepta në vendet përkujtimore teksa qindra njerëz u mblodhën për të shënuar 78-vjetorin e fitores sovjetike mbi Gjermaninë naziste në Luftën e Dytë Botërore.
Përkujtimet filluan në mëngjes në Memorialin e Luftës Sovjetike në Parkun Treptower në Berlin, ku pjesëmarrësit vendosën kurora dhe lule në monument për të nderuar ushtarët e rënë.
Qindra demonstrues më vonë marshuan nga Porta e Brandenburgut drejt Memorialit Sovjetik në Tiergarten, duke mbajtur fotografi të ushtarëve sovjetikë që luftuan kundër Gjermanisë naziste.
Anëtarët e grupit famëkeq pro-rus të motoçiklistëve, “Ujqërit e Natës”, mbërritën gjithashtu në memorial dhe vendosën lule.
Një prani e madhe policore u vendos për të parandaluar tensionet e mundshme midis grupeve pro-ruse dhe protestuesve ukrainas.