Italiani Gianni Merlo e ka fituar edhe një mandat si president i AIPS Botës, duke qenë ky mandati i pestë me radhë.
Merlo nuk kishte kundër kandidat dhe në këtë mënyrë fitoi besimin e delegatëve nga 96 shtete nga e mbarë bota, duke u zgjedhë me aklamacion.
Me aklamacion u zgjodhën edhe zëvendës presidenti Esat Yilmaer nga Turqia si dhe sekretari i Përgjithshëm i AIPS Jura Ozmec nga Kroacia, të cilët nuk kishin kundër kandidat dhe u rizgjodhën në këtë pozitë për mandatin e ri.
Ndërkaq, katër zëvendës presidentë të AIPS Botës janë zgjedhë:
Csisztu Zauzsa – Hungari
Ioannis Daras – Greqi
Mohammed Ali Hiji – Katar
Evelyn Watta – Keni
Ndërkaq, janë zgjedhë edhe 13 anëtarët e Komitetit Ekzekutiv të AIPS Botës:
Adel Al Zahrani – Arabia Saudite
Malik Aziz Amjad – Pakistan
Vicente Dattoli – Brazil
Emanuel Fantaneanu – Rumani
Chao Gao – Kinë
Jozef Langer – Austri
Morad Moutaouakkil – Maroko
Ernesto Ortiz Gomez – Uruguaj
Juan Antonio Prieto – Spanjë
Ahmadi Seyed Abdolhamid – Iran
Hiroshi Takeuchi – Japoni
Marc Ventouillac – Francë
Jose Zidar – Slloveni
Me zgjedhjet e organeve të reja të AIPS Botës, u përmbyllën punimet e Asamblesë së Përgjithshme të 84-të të Asosiacionit të Gazetarëve Sportivë të Botës të mbajtur në Romë të Italisë.
Edhe në këtë kongres, Kosovën e përfaqësoi presidenti Edmond Thaçi dhe anëtari i Bordit Ejup Llumnica.
Gjatë tre ditëve të punimeve të Kongresit, delegacioni kosovar kishte takime me liderë të shumtë të shoqatave evropiane e botërore.
Ata përgëzuan Kosovën për konstruktivitetin e tyre dhe çmuan lart përkushtimin tonë në zhvillimin e aktiviteteve të SHGSK-së, sidomos në periudhën e fundit të vështirë me pandeminë.
Me ftesën tonë, zyrtarë të lartë të AIPS-as, shumë shpejtë pritet ta vizitojnë përsëri Kosovën.
