Kryetari i Kuvendit, Afrim Gashi ka njoftuar se ka realizuar takim me Kryetarin e Dhomës së Përfaqësuesve të Republikës së Maltës, z. Angelo Farrugia.
“Vlerësuam marrëdhëniet e mira ndërmjet vendeve tona dhe shprehëm gatishmërinë për intensifikimin e bashkëpunimit parlamentar, shkëmbimin e përvojave dhe praktikave të mira, veçanërisht në kontekstin e procesit të integrimit evropian.
Adresova sfidat dhe prioritetin strategjik të vendit tonë drejt anëtarësimit në BE, duke theksuar se përvoja e Maltës si shtet anëtar i BE-së mbetet veçanërisht e vlefshme për rrugën tonë reformuese.
Shqyrtuam mundësitë e zgjerimit të bashkëpunimit në fusha me interes të përbashkët, si dhe për forcimin e bashkëpunimit multilateral në kuadër të organizatave ndërkombëtare. Në këtë drejtim, u pajtuam se diplomacia parlamentare dhe forumet ndërkombëtare, si Sesioni i 14-të Plenar i Parlamentit Ndërkombëtar për Tolerancë dhe Paqe, përbëjnë instrumente të rëndësishme për forcimin e dialogut dhe bashkëpunimit ndërmjet shteteve”, ka shkruar Gashi.
Burimi: alfax.mk
