Anëtarët e qeverisë në Francë nuk do të mund të përdorin aplikacionet Telegram, WhatsApp dhe Signal, transmeton Anadolu.
Sipas “Le Figaro”, në vendimin e lëshuar nga Zyra e Kryeministres, përfaqësuesve të qeverisë iu kërkua të fshinin aplikacionet e mesazheve si Telegram, WhatsApp dhe Signal nga telefonat e tyre.
Në vendimin, i cili synon të “forcojë sigurinë” për takimet që përmbajnë informacione konfidenciale, thuhet se anëtarët e qeverisë duhet të instalojnë aplikacionin lokal të mesazheve Olvid më së voni deri më 8 dhjetor.
Më tej në vendim thuhet se aplikacioni Olvid ishte “aplikacioni i vetëm që mori certifikatë sigurie të nivelit të parë” nga Agjencia Kombëtare e Sigurisë së Sistemeve të Informacionit (ANSSI).
Kompania e softuerit Olvid u themelua në vitin 2019 nga dy ekspertë francezë të sigurisë kibernetike.
