Sot në 21:15 në stadiumin “Velodrome” të Marsejës, Franca do të presë Bregun e Fildishtë për një miqësore luksi, pasi dihet komuniteti afrikan që popullon tokën franceze. Pa Benzemanë e dëmtuar, “Gjelat” do të duhet t’i besojnë përsëri Olivie Zhirusë që i nevojiten ende katër gola për të qenë golashënuesi më i mirë me fanellën e “Bluve”.
Hapësirë në njëmbëdhjetëshE për një tjetër kuqezi si Teo Hernandez që tashmë ka besimin e Deshmapsit.
Në formacion ndoshta nuk do të jetë, por paraqitjet e tij meritojnë vëmendje dhe shumë shpejt mund t’i vijë momenti i titullarit. Po flasim për Majk Menja, i cili do të grumbullohet rregullisht për miqësoren e sotme.
Dy ditë më parë, portieri i Milanit u ankua për dhimbje në tendinën e Akilit duke shqetësuar jo pak mjekët e kombëtares, por edhe ata të klubit.
Alarmi ka kaluar dhe 26- vjeçari është stërvitur rregullisht. Vështirë se Deshmaps mund ta rrezikojë menjëherë, megjithatë Menja është gati duke kthyer qetësinë edhe te kuqezinjtë e Milanos.
