Forcat izraelite bastisën vendbanimet Burqin, Turah al-Shuhada dhe Yabad në qytetin e Jeninit në Bregun Perëndimor të pushtuar, transmeton Anadolu.
Sipas informacioneve të marra nga dëshmitarët okularë, gjatë bastisjes së paradites nga forcat izraelite në vendbanimin Burkin, ka pasur përleshje mes forcave izraelite dhe grupeve të armatosura palestineze.
Po ashtu shpërthyen përleshjet midis forcave izraelite dhe palestinezëve që i rezistuan bastisjes në qendër të qytetit të Jeninit dhe në vendbanimin Yabad.
Forcat izraelite ndërhynë me plumba të vërtetë dhe gaz lotsjellës kundër palestinezëve. Dhjetëra palestinezë u prekën nga gazi.
Nga ana tjetër, agjencia zyrtare palestineze WAFA raportoi se forcat izraelite arrestuan dy palestinezë në zonat Fakua dhe Fahme të Jeninit.
Thuhet se të arrestuarit janë Ahmed Jemal Fahmavi dhe Mumin Saabine, ndërsa arsyet e ndalimit të tyre nuk dihen.
Sulmet e herëpashershme të ushtrisë izraelite në fshatrat dhe qytetet palestineze në Bregun Perëndimor të pushtuar po përshkallëzojnë tensionet në rajon.
Në bastisjen e kryer nga forcat izraelite në Jenin dhe kampin e refugjatëve në Jenin më 3 korrik, u vranë 12 palestinezë, përfshirë 4 fëmijë, dhe rreth 120 njerëz u plagosën, 20 prej tyre në gjendje të rëndë. Një ushtar izraelit u vra gjithashtu në incidente.
