Trajneri i Kombëtares së Kosovës, Franco Foda ka konfirmuar se për ndeshjen me Rumaninë do të mungojnë katër lojtarë të rëndësishëm, në mesin e të cilëve edhe Milot Rashica.
“Kemi disa lëndime, në dispozicion nuk do te kemi Paqaradan, Rashicen, Celinen dhe Krasniqin”, ka thënë fillimisht Foda në konferencë për media.
Sa i përket përbaltjes së 15 nëntorit me Rumaninë, Foda theksoi se vendi i parë në grup është akoma i mundshëm dhe se për këtë së pari duhet mposhtur Rumania.
Ai shtoi se pret edhe më shumë nga skuadra pasi në ndeshjet e fundit ka pasur mundësi që të shënohen më shumë gola.
Sa i përket skemës së lojës, Foda tha se ndaj Rumanisë në udhëtim nuk do të heq dorë nga loja ofanzive, ashtu siç është aplikuar deri më tani në ndeshje e luajtura.
Ndeshja Rumani-Kosovë zhvillohet më 15 nëntor në Bukuresht, ndërsa tri ditë më vonë Kosova e pret Lituaninë në Prishtinë.
Burimi: botasot.info
