Armando Broja edhe sonte ka shkëlqyer në ndeshjen Southampton- Manchester City
Southampton arriti që ta ndalë serin prej 12 fitoresh radhazi të Manchester City duke barazuar në St Mary stadium me rezultat 1-1.
Duke analizuar lojën pas ndeshjes, trajneri i Manchester City, Pep Guardiola ka folur edhe për lojën e Southampton.
Ai ka thënë se skuadra vendase është e mirë në kundërsulme dhe me topa të gjatë.
“Këto topa të gjatë i shfrytëzojnë Broja dhe Adams, ata janë të fuqishëm”, ka thënë Guardiola duke e analizuar ndeshjen pas përfundimit të saj.
Kujtojmë se Broja shënoi një gol në këtë ndeshje në minutën e 19, por sulmuesi shqiptar ishte në pozicion jashtë loje dhe goli u anulua më të drejtë.
