Në Hotelin Grand Prishtina në Prishtinë jabë vazhduar takimet e Turneut Ndërkombëtar të shahut “Prishtina 2022”.
Të dielën pasdite janë zhvillua takimet e xhirosë së 5-të ku pati duele të forta, kurse shahistët nga Kosova, Nderim Saraçi, Endrit Uruçi, Korab Saraçi dhe Muhamet Asllani kanë patur paraqitje të shkëlqyera.
Në tabelën e parë Nderim Saraçi remizoi me hungarezin Albert Bokro. Me këtë remizim Saraçi edhe më tutje prinë në renditje me 4,5 pikë.
Ndërkaq Korab Saraçi ka remizuar me Kryemjeshtrin nga Maqedonia e Veriut , Zvonko Stanojoski.
Shahisti tjetër Endrit Uruçi ka bërë edhe një lojë të shkëlqyer duke mundur shahistin nga Maqedonia e Veriut, Dejan Dinev 1:0. Nga takimet e tjera veçojmë fitoren e Muhamet Asllanit kundër Osman Saraçit 1:0 si dhe fitorene Jashar Klisuricës kundër Bedri Sadikut.
Dueli i shahistëve, Emir Dizdareviq-Marcell Borhu përfundoi me remi.
Drejtësinë po e ndajnë: Burhan Misini/kryesor/, Besnik Berisha, Nita Saraçi dhe Bujar Shita.
Xhiroja e 5-të e hënë, 20 qershor/17,00/:
Takimet kryesore janë:
Zvonko Stanojoski-Nderim Saraçi
Albert Bokros-Korab Saraçi
Muhamet Asllani-Emir Dizdareviq
Endrit Uruçi-Jashar Klisurica
Marcel Borhy-Abdyl Hoxha
