“Barbie” e Greta Gerwig fitoi 155 milionë dollarë (139. 2 milionë euro) gjatë fundjavës, duke i dhënë filmit fundjavën më të madhe të hapjes së 2023 dhe debutimin më të madh ndonjëherë për një regjisore femër.
Publikimi i kombinuar i “Barbie” dhe “Oppenheimer” i Christopher Nolan, i quajtur ” Barbenheimer”, është bërë një sensacion që mund të ringjallë një industri filmike në vështirësi.
“Barbenheimer” ishte fundjava e katërt e industrisë me fitimin më të madh të të gjitha kohërave në Amerikën e Veriut, me një total prej 302 milionë dollarësh (271.2 milionë euro) të dielën.
Analistët besojnë se do të rritet edhe më shumë kur numrat përfundimtarë të raportohen të hënën, shkruan CNN.
Pas “Barbie”, “Oppenheimer” fituan 80.5 milionë dollarë (72.3 milionë euro) brenda fundjavës, sipas Comscore. Të dy filmat në thelb dyfishuan parashikimet e javëve më parë, tha Dergarabedian.
“Të dyja mund të konsiderohen hite absolute dhe të dyja do të performojnë në javët e ardhshme në një mënyrë tjetër”, tha Dergarabedian.
Të dy filmat mund të shijojnë një verë me pak konkurrencë, veçanërisht “Barbie” pasi nuk ka pasur filma të suksesshëm të drejtuar nga femra që nga “The Little Mermaid”.
“Barbie” fitoi 70.5 milionë dollarë (63.3 milionë euro) në kinematë e Amerikës së Veriut të premten, duke përfshirë shfaqjet paraprake të së enjtes.
Filmi ka bërë fillimin më të madh të brendshëm për një film me regji të femrave. Krahasimi më i afërt i tij është “Wonder Woman” në 2017, me regji nga Patty Jenkins, i cili grumbulloi rreth 38 milionë dollarë (34 milionë euro) brenda vendit në ditën e hapjes, sipas Box Office Mojo.
“Captain Marvel”, me regji të përbashkët nga Anna Boden dhe Ryan Fleck, solli rreth 62 milionë dollarë (55.6 milionë euro).
Shfaqjet paraprake të “Barbie” sollën 22.3 milionë dollarë (20 milionë euro), sipas Hollywood Reporter.
Filmi i kukullave Mattel mundi “Oppenheimer”, i cili fitoi 33 milionë dollarë (29.6 milionë euro) të premten – gjithashtu një arritje mbresëlënëse.
Është një fitore për regjisorin Christopher Nolan, duke tejkaluar shumë nga hitet e tij të mëparshme: “ Inception ” solli rreth 22 milionë dollarë në ditën e hapjes dhe “Dunkirk” 20 milionë dollarë, megjithëse nuk arriti shifrat e ditës së hapjes për “The Dark Knight” dhe “The Dark Knight Rises”.
Para “Barbie”, “The Super Mario Bros. Movie” pati hapjen më të madhe të vitit 2023 me 146.3 milionë dollarë (131.4 milionë euro).
