FIFA thuhet se është pajtuar me vendimin e shtetit të Arabisë Saudite për të ndaluar alkoolin gjatë zhvillimit të Kupës së Botës 2034.
Sipas mediumit The Guardian, tifozët do të ndalohen të pinë alkool në stadiume në Kupën e Botës 2034 në Arabinë Saudite.
Ndonëse Kupa e Botës është dhjetë vjet larg, gazeta britanike shprehet kategorike se nuk do të ketë ndryshime përtej asaj që kërkohet nga ligjet në Arabinë Saudite dhe se FIFA nuk do t’i bëjë presion pushtetit vendor që të lehtësojë rregullat.
FIFA mori gjithsej pesë kandidatura – së bashku nga Brunei, Kamboxhia, Indonezia, Laosi, Malajzia, Mianmari, Filipinet, Singapori, Tajlanda dhe Vietnami, së bashku nga Australia, Zelanda e Re dhe Indonezia, së bashku nga Kina, Hong Kongu dhe Macau, së bashku nga Kazakistani, Kirgistani dhe Uzbekistani, dhe Arabia Saudite e pavarur.
Shtëpia e futbollit refuzoi të gjitha aplikimet përveç atij saudit dhe inspektimi i saj zbuloi se oferta e Arabisë Saudite ishte më e mira ndonjëherë, duke i dhënë asaj 419.8 nga 500 pikë të mundshme në një vlerësim që përfshin të gjitha aspektet e organizimit të ngjarjes më të madhe të futbollit në botë – nga infrastruktura te kapaciteti akomodues dhe sfidat logjistike.
Burimi: botasot.info
