FBI falënderon Policinë e Maqedonisë për ndalimin e tregut joligjor online “OLVX”

Byroja Federale e Hetimeve e SHBA-së ka lëshuar një falënderim zyrtar publik për partnerët e saj nga Divizioni i Krimit Kibernetik të Byrosë së Sigurisë Publike të Ministrisë së Punëve të Brendshme të Maqedonisë, me rastin e arrestimit të suksesshëm të administratorit të tregut të paligjshëm kibernetik “OLVX”.

“FBI përgëzon partnerët e saj nga Njësia e Krimit Kibernetik të Byrosë së Sigurisë Publike të Ministrisë së Punëve të Brendshme të Maqedonisë për arrestimin e suksesshëm të administratorit të tregut kriminal “OLVX”. Pretendohet se përmes “OLVX”, i cili ishte aktiv nga viti 2023 deri në vitin 2025, të dhënat personale të viktimave, si dhe të dhënat e hyrjes për llogaritë e përdoruesve, u shitën në mënyrë të paligjshme përmes më shumë se 1,500 profileve të shitësve”, thuhet në njoftim.

MPB dhe FBI shkatërrojnë tregun ilegal “OLVX“, kallëzim penal ndaj 20 vjeçarit nga Tetova

FBI thekson se ekzistenca e këtij tregu rrezikoi drejtpërdrejt sigurinë dixhitale të mijëra qytetarëve amerikanë, të cilët mbështeten në integritetin e llogarive që përdorin.