Federata e Auto Sportit e Kosovës (FASK) e ka mbajtur Kuvendin e Punës, në të cilin delegatët kanë diskutuar për punën që është bërë gjatë vitit të kaluar dhe sfidat që e presin këtë federatë gjatë këtij viti.
Kryetari, Ismet Rexhepi, është shprehur optimist se FASK do të ketë një vit edhe më të suksesshëm me gara edhe më cilësore dhe me pjesëmarrje më të madhe edhe në garat ndërkombëtare, ndërsa për të arritur këtë qëllim kërkoi angazhim maksimal nga të gjithë.
Shqyrtimi dhe miratimi i propozim statutit të ndryshuar të FASK-ut ishte pika për të cilën u diskutua më gjatë, e cila në fund u miratua njëzëri.
Diskutime pati edhe për pikat tjera të rendit të ditës:
Shqyrtimi dhe miratimi i Planit Strategjik të FASK-ut
Shqyrtimi dhe miratimi i raportit vjetor të punës së FASK-ut për vitin 2021
Shqyrtimi dhe miratimi i pasqyrave financiare për vitin 2021
Kalendari i garave për vitin 2022
Kampionati i Kosovës në automobilizëm pritet të fillojë më 17 prill, me garën në disiplinën e sllallomit, e cila do të mbahet në Ferizaj.
