Ish-mbrojtësi i Kombëtares Shqiptare, Ervin Fakaj, i ftuar në emisionin “Kuqezi” në SuperSport, në përfundim të ndeshjes kritikoi edhe sulmuesin Armando Broja, duke thënë se u tregua më individualist se duhet dhe se duhet të përmirësohet në shumë sektorë.
“Brojës i kemi ngarkuar më shumë përgjegjësi se duhet, pasi është ende një 21-vjeçar dhe ka ende kohë të piqet.
Ka cilësi të jashtëzakonshme, por duhet të përmirësohet në shumë sektorë të fushës dhe të kuptojë që nuk mund ta zgjidhë vetë gjithçka.
Duhet më shumë bashkëpunim”, u shpreh Fakaj.
