Facebook ka vendosur të rikthehet në fillimet e veta duke risjellë kohështrirjen kronologjike për aplikacionin e saj dhe bërë më të lehtë për përdoruesit të ndjekin postimet e miqve të tyre.
Më shumë se një dekadë pasi Facebook përditësoi kohështrirjen për të treguar “top stories” në vend të listës kronologjike të postimeve nga miqtë dhe familja, kompania do të rikthehejë renditjen kronologjike të tyre.
Facebook do të ndajë kohështrirjen në dy tabe në aplikacionet Android dhe iOS, Feeds dhe Home. “Është një prej funksionaliteteve më të kërkuara,” tha Mark Zuckerberg.
Në tabin Feed përdoruesit mund të kurojnë nënseksionet e faqeve, grupeve dhe miqve që ndjekin në mënyrën që të shfaqen në rend kronologjik.
Ideja është që tabi Home, me kurimin e saj algoritmik mund të shndërrohet më tepër në një hapësirë eksplorimi të postimeve të tjera dhe gjetjes së përmbajtjeve të reja.
Shumë pak do të ndryshojë sepse tabi Home do të jetë pamja kryesore kur përdoruesit hapin e aplikacionin dhe përmban Reels dhe Stories. /PCWorld Albanian