Sot me fillim nga ora 15:00 stadiumi “Goodison Park” do të jetë nikoqir i ndeshjes mes Evertonit dhe Chelseat, e vlefshme kjo për xhiron e 35 të Premier Ligës angleze.
Në ndeshjen e fundit të zhvilluar, Evertoni rikthehet nga humbja 2:0 në derbin kundër Liverpoolit, kurse Chelsea barazoi 1:1 me Manchester United.
Evertoni do të synojë sot që të bëjë të pamundurën dhe të befasojë Chelsean, në mënyrë që të mbajë gjallë shpresat që të mos bie nga Premier Liga.
Momentalisht, “Blutë” e Londrës zënë vendin tretë në tabelë me gjithsej 66 pikë të arkëtuara, krahas Evertonit që renditet në vendin 18 me vetëm 29 pikë të arkëtuara.
Sa i përket ndeshjes së sotme të dy skuadrat do të kenë probleme me mungesa të lojtarëve, ku për Evertonin nuk do të paraqiten Godfrey, Patterson, Townsend, Davies, Gomes dhe Van de Beek, kurse te Chelsea mungojnë Chilwell, Hudson-Odoi, Kovacic, Barkley dhe Christensen.
Tanimë të dy trajnerët kanë bërë publike formacionet me të cilat do ta fillojnë këtë ndeshje, dhe ato zyrtare i gjeni më poshtë.
Everton (4-3-3): Pickford; Mykolenko, Holgate, Mina, Coleman; Iwobi, Delph, Doucoure; Gray, Richarlison, Gordon
Chelsea (3-4-1-2): Mendy; Azpilicueta, Silva, Rudiger; James, Loftus-Cheek, Jorginho, Alonso; Mount; Havertz, Werner
