Mesfushori i Manchester United, Donny van de Beek do të veshë fanellën e Evertonit deri në fund të sezonit, raporton gazetari Fabrizio Romano.
Reprezentuesi holandez së shpejti do të nënshkruajë kontratë me klubin nga Liverpooli dhe Everton është zotuar të mbulojë të gjithë pagën.
Njëzetekatërvjeçari kishte gjithashtu një ofertë nga Crystal Palace, por Everton u përfshi në garë të shtunën dhe përfundimisht mori një nxitje të konsiderueshme.
Holandezi ka luajtur 14 ndeshje për Djajtë e Kuq në të gjitha garat këtë sezon dhe ka shënuar një gol.
Van de Beek erdhi në “Old Trafford” në vitin 2020 nga Ajax në një transferim prej 39 milionë eurosh. Kontrata e tij skadon në verën e vitit 2025.
