Sonte rreth orës 19:00 është evakuuar qendra tregtare “City Mall”, pasi në Ministrinë e Punëve të Brendshme ka arritur një kërcënim për bomba të vendosura.
”Në adresën elektronike të Ministrisë së Punëve të Brendshme është pranuar një mesazh me kërcënim se në qendrën tregtare ‘City Mall’ në Shkup janë vendosur mjete shpërthyese. Punonjësit e policisë po ndërmarrin masa dhe po kryejnë kontrolle në qendrat tregtare”, thonë nga MPB.
Qytetarët që ndodheshin në qendrën tregtare këtë pasdite thonë se njerëzit vraponin me panik drejt daljeve, ndërsa rojet i lejonin ata që ishin të parkuar të dilnin nga qendra tregtare pa pagesë.
”Ishim duke parë filmin për Michael Jackson dhe diku në herën e parë të filmit erdhi një përgjegjës nga kinofili i Shkupit dhe na tha ta lëshojmë sallën shpejt sepse kanë urdhër për evakuim”, tha një banore e Shkupit e cila në atë moment ndodhej në kinema.
Burimi: alfax.mk
