Recep Tayyip Erdogan e ka mbrojtur Cristiano Ronaldon dhe e ka zbuluar të ardhmen e yllit portugez.
Presidenti i Turqisë ka folur për futbollin dhe më specifikisht për yllin portugez në një transmetim televiziv.
“Fatkeqësisht atij ia vendosën një veto politike sepse e mbron kauzën palestineze”, deklaroi Erdogan për mediumin turk “Anadolu”.
“Ta fusësh në fushë një lojtar si Ronaldo vetëm 30 minuta para fundit, kjo e rrënon psikologjinë e tij dhe ia heq energjitë”, vazhdoi Erdogan, i cili foli edhe për mundësinë që “CR7” ta vazhdojë karrierën në Lindjen e Mesme.
“Sipas informacioneve që i kam marrë, ai do të shkojë në Arabinë Saudite”, përfundoi Erdogan.
