Luis Enrique mund të rikthehet sërish si trajner skuadre dhe sërish në Serie A.
Sipas “El Chiringuito”, trajneri spanjoll mund të marrë drejtimin e Juventusit që prej sezonit të ardhshëm.
Mediumi spanjoll gjithashtu bëri të ditur se klubi nga Torino ka nisur tashmë bisedimet me Enriquen.
“Zonja e Vjetër” thuhet se është e gatshme për t’i ofruar pagë vjetore prej 10 milionë eurosh ish-trajnerit të Romës e Barcelonës.
Kësisoj, 52-vjeçari do të zëvendësonte Massimiliano Allegrin, i cili nuk po bind krerët e Juventusit me rezultatet e tij këtë sezon.
Enrique është përzgjedhës i Kombëtares së Spanjës. Kontrata e tij me spanjollët skadon më 31 dhjetor të këtij viti.
Kështu, Kupa e Botës “Katar 2022” mund të jetë turneu i fundit për Luis Enrique në krye të Spanjës.
