Mes rrënojave të shkollës së saj të shkatërruar nga lufta në Ukrainë, një adoleshente është fotografuar me fustanin që kishte planifikuar të vishte në mbrëmjen e maturës.
Anna Episheva, nga Toronto, Kanada postoi foton e mbesës së saj 16-vjeçare, e cila thotë se studionte në shkollën 134 në Kharkiv përpara se vendi të pushtohej nga Rusia.
Studentja, e quajtur Valerie, thuhet se e priste me padurim ditën që do të mbaronin shkollën dhe po përgatitej me miqtë e saj për këtë ngjarje.
Llogaria e zonjës Episheva në Facebook citon Valerien të ketë thënë: “Unë jam 16 vjeç. Kam studiuar në shkollën 134 në Kharkiv, kishim shumë miq nga shkolla, ishim si një familje e madhe.”
“Me vajzat zgjidhnim fustanet dhe ishim të emocionuar që të gjithë do të ishin shumë të bukur në mbrëmjen e maturës. Të gjitha planet që ne ëndërronim tani janë prishur.”
Episheva shkruan: Ajo dhe miqtë e saj planifikuan festën e diplomimit, blenë fustane dhe mezi prisnin ditën e madhe.Më pas erdhën rusët. Shkolla e saj u godit dhe u shkatërrua drejtpërdrejt më 27 shkurt 2022. Sot ajo u kthye në atë që kishte mbetur nga shkolla e saj dhe planet e saj për diplomimin. Faleminderit, Valeria ime e dashur, që je e fortë dhe e guximshme, kaq krenare për ty dhe të dua shumë. Lavdi Ukrainës!”
Ndërsa u kërkon njerëzve të vënë në dukje dëmin e shkaktuar në Kharkiv dhe shkollës, ajo thotë se fotografia është bërë dhe siguruar nga nëna e Valerie, të cilës nuk e përmend emrin. Kharkiv, qyteti i dytë i Ukrainës, u sulmua në ditët e para të luftës pasi ishte afër kufirit rus.
