Emily Ratajkowski është e zemëruar, por beson se do të jetë më mirë pas ndarjes së saj nga bashkëshorti Sebastian Bear-McClard.
“I ndjej të gjitha emocionet,” tha modelja 31-vjeçare për kopertinën e nëntorit të Harper’s BAZAAR, të publikuar të enjten. “Ndiej zemërim, trishtim. Ndiej emocion. Ndiej gëzim. Ndiej mendjelehtësi. Çdo ditë është e ndryshme. E vetmja gjë që di është se po i ndiej të gjitha ato gjëra, gjë që është mirë sepse më bën të besoj se do të jem mirë.”
Ratajkowski – e cila kohët e fundit u pa duke u shoqëruar me DJ Orazio Rispo – pranoi se ajo “ka dalë në takime”, por po i jep vetes kohë.
Duke reflektuar mbi takimet e saj, EmRata tha se dikur nuk ishte e mirë për të vendosur se cilat cilësi i pëlqenin në një partner.
“Unë me të vërtetë doja të zgjidhesha,” shpjegoi ajo. “Ishte e vështirë për mua të shkoja në një takim me dikë dhe të mendoja se sa më pëlqente apo nuk më pëlqente. Në vend të kësaj, mendoja se si po më perceptonin, çfarë do të thoshte kjo, çfarë donin nga unë, çfarë do të thoshte për vetëvlerësimin tim.”
Megjithatë, Ratajkowski tha për median se ajo nuk ndihet më kështu.
“Tani është me të vërtetë kënaqësi të shkosh në darkë me dikë dhe të thuash: “Sa mirë, më pëlqeu shumë këto pjesë e tij; nuk më pëlqyen këto pjesë të tjera”, tha ajo.
Ratajkowski, e cila ka djalin 1-vjeçar Sylvester Apollo Bear me ish-in e saj, tha se të qenit nënë i jepte prioritet asaj që ka rëndësi për të në fund të ditës.
