Elon Musk mësohet tu ketë thënë stafit se puna në distancë do të marrë fund dhe “kohëra të vështira” janë përpara.
Përmes një email-i drejtuar stafit, pronari i medias sociale tha se punonjësit duhet të punojnë nga zyrat të paktën 40 orë në javë sipas Bloomberg.
Ai shtoi se ngadalësimi i ekonomisë globale pritet të godasë rëndë të ardhurat e Twitter nga reklamimi.
Kompania e medias sociale i kishte thënë stafit të saj në Maj të 2020-ës pak pasi pandemia kishte detyruar shumë vend të botës të kufizojnë lirinë e lëvizjes, se mund të punonin nga shtëpia përgjithnjë nëse dëshirojnë.
Kjo sepse Twitter besonte se masat e punës nga shtëpia aplikuar gjatë Covid-19 kishin qenë një sukses.
Megjithatë Musk shquhet për skepticizmin e tij të punës në distancë dhe shprehur në të kaluarën se puna në shtëpi është për ata që nuk duan të punojnë shumë.
Njeriu më i pasur në botë deri tani ka shkurtuar gjysmën e stafit të Twitter, një javë pasi bleu kompaninë për 44 miliardë dollarë. Ai tha se nuk kishte zgjedhje tjetër dhe po humbiste 4 milionë dollarë në ditë.
/PCWorld Albanian
