Tani që Elon Musk ka në pronësi Twitter, ka vendosur të nisë sundimin e tij zyrtarisht si CEO i kompanisë. Në një aplikim pranë autoriteteve Amerikane, Twitter zbuloi Elon Musk si shefin ekzekutiv të saj.
Lajmi vjen së bashku me shkrirjen e bordit të kompanisë me largime masive nga puna të ekzekutivëve përfshirë ish CEOn Para Agrawal.
Nuk dihet për sa kohë Musk do të mbetet CEO i kompanisë. Ai tha se posti aktual është i përkohshëm por nuk ka dhënë më tepër detaje.
Musk aktualisht drejton Tesla, SpaceX, The Boring Company dhe Neuralink, që do të thotë se koha e tij mund të mos premtojë për të drejtuar një tjetër kompani.
Bashkëthemeluesi i Twitter Jack Dorsey ka transferuar aksionet e tij tek kompania e re e Musk duke shprehur në një farë mënyre mbështetjen e tij.
Që në javën e parë që mori Twitter, Musk ka premtuar ndryshime masive nga ai i lidershipit, tek largime nga puna, tek një këshill moderimi që do të marrë vendime të rëndësishme.
Një prej tyre është edhe mundësia e rikthimit të Vine apo verifikimi me pagesë. /PCWorld Albanian
