Përfaqësuesja e Maqedonisë së Veriut, nuk e realizoi ëndrrën, që të kualifikohet në Kampionatin Botëror.
Kundër Portugalisë u paraqitën 4 shqiptarë standardë: Enis Bardhi, Ezgjan Alioski, Arijan Ademi dhe Visar Musliu.
Portugalia shënoi fitore me rezultat 2:0 ndaj Maqedonisë, në finalen e play-off-it kualifikues për Botërorin, që në fund të vitit do të luhet në Katar.
Futbollisti Elif Elmas ka shpërndarë një mesazh emocionues në llogarinë e tij në Instagram, ku ka shkruar:
“Ishte një eksperiencë e mrekullueshme. Jemi një skuadër e re me zemër të madhe. Do të bëjmë ende të lumtur Maqedoninë”.
