Barcelona solli avantazhin 3-2 nga Parisi ndaj PSG-së në ndeshjen e kthimit të Ligës së Kampionëve, por dje humbi në shifrat 1:4 dhe u eliminua nga faza çerekfinale.Ter Stegen ishte nën ndikimin e emocioneve dhe e kishte të vështirë të komentonte revanshin e PSG-së. “Dhemb, dhemb, dhemb…
kjo është një disfatë që dhemb shumë, sidomos pas ndeshjes së parë”, tha Ter Stegen në fillim të fjalës së tij për mediat dhe i mbajti emocionet, e më pas vazhdoi:
“Iu afruam gjysmëfinales, kishim rreth dhjetë raste të mira që nuk i shfrytëzuam, mund ta kalonim këtë, por nuk e shfrytëzuam shansin tonë.
Tani kemi ndeshje në kampionat kundër Real Madridit, le të shkojmë për fitore, le të përpiqemi të komplikojmë situatën për Realin”, tha Ter Stegen.
