Kur Cray Computing, një prodhues superkompjuterësh blerë nga HP në 2019-ën, tha se do të ndërtonte El Capitan, premtoi që të prodhonte një performancë prej 1.5 ekzaflops.
Sot edicioni i 64-të i TOP500, një listë e cila rëndit superkompjuterët më të fuqishëm të botës, u publikua dhe El Capitan jo vetëm që tejkalon parashikimin e performancës duke prodhuar 1.742 ekzaflops, por gjithashtu fitoi titullin si superkompjuteri më i fuqishëm në botë.
El Capitan është vetëm superkompjuteri i tretë i shkallës “ekza” që mund të kryejë 1 kuintilion llogaritje në sekondë. Dy të tjerët janë Frontier dhe Aurora në vendin e dytë dhe të tretë respektivisht.
Të gjithë këto superkompjuterë jetojnë në hapësira kërkimore shtetërore. Cray është i përfshirë në ndërtimin e të tre sistemeve. El Capitan ka 11 milionë bërthama procesorike dhe grafike të kombinuara bazuar në procesorët AMD EPYC të gjeneratës së katërt. Procesorët me 24 bërthama secili ka frekuencë 1.8Ghz secili dhe përmbajnë APU-të AMD Instinct M1300A.
Në të njëjtën kohë është edhe mjaft efikas duke prodhuar 58.89 gigaflops për vat. /PCWorld Albanian
Burimi: pcworld.al
