Edi Rama nesër në Komisionin Hetimor të Inceneratorëve: Mezi pres të shkoj, mos e humbni

Kryeministri Edi Rama do të marrë pjesë në Komisionin Hetimor për Inceneratorët nesër.

Lajmin e bëri të ditur vetë kryeministri gjatë prezantimit të pyetësorit  të Këshillimit Kombëtar me qytetarët e Durrësit sot.

Ai  u shpreh se mezi po pret të shkojë te Komisioni Hetimor për Inceneratorët, duke ftuar qytetarët që ta ndjekin.

“ Gara është bërë shumë më e egër por jo në kuptimin e argumenteve, por në kuptimin e kapërcimit të normave etike, të çdo lloj kufiri, dhe në kuptimin e braktisjes së terrenit ku njerëzit jetojnë. Nuk bëhet debate për gjërat e jetës së tyre të përditshme, Bëhen debate kush je ti e kush jam unë e kush ka vjedh më shumë. Nëpërmjet Komisionit Hetimor u krijua të paktën mundësia për ata që duan të dëgjojnë  të shikojnë se e vërteta është diçka krejt tjetër. Por nuk po flas më gjatë për këtë, sepse mezi po pres të shkoj nesër. Kështu që po nuk patët ndonjë punë më të mirë për të bërë mos e humbnin nesër.”

Lajm në përditësim