Fatmir Limani, ish kandidat për kryetar të Kërçovës, ka kaluar në Lëvizjen Besa.
Këtë e kanë bërë të ditur nga vetë Lëvizja Besa duke njoftuar se sot, lideri i kësaj partie, Bilall Kasami do të prezantojë aderimin në selinë e partisë në Shkup, nëpërmjet një paraqitje për media.
Kujtojmë se Limani ishte pjesë e BDI-së, por për shkak të pakënaqësive, vendosi të kandidojë si kandidat i pavarur për të parin e Kërçovës edhe përkundër se BDI kishte shpallur Fatmir Deharin kandidat.
Limani në zgjedhjet lokale pati mbështetjen edhe të partive opozitare, por në atë kohë, Lëvizja Besa ishte pjesë e koalicionit qeverisës.
