Të moshuarat në azilin “Ndajmë dashuri” kanë treguar eksperiencat e tyre për emisionin “Review” në Euronews Albania.
Njëra nga zonjat tregoi se kishte 28 vjet që jetonte vetëm, pasi ishte divorcuar dhe njëri nga fëmijët nuk i flet prej 28 vjetësh.
“Kam 28 vite që jetoj vetëm. Jam divorcuar nga bashkëshorti dhe fëmijët i ka mbajtur bashkëshorti. Kam 6 fëmijë, njëri nuk më flet. 28 vite pa folur me djalin. I kam bërë të gjitha vetë kur isha në Elbasan. Këtu në azil jetoj që 5 vite.
Këtu erdha mbështeta kokën, jetoja në kushte shumë të vështira. Nuk kisha ku të shkoja, po më hante gjarpri në shtëpi”, tregoi e moshuara.
