Te Interi vazhdojnë të pandërprera tratativat për transferimin e Paulo Dibalës.
Sipas asaj që raporton e përditshmja sportive italiane “La Gazzetta dello Sport”, gjatë javës së ardhshme drejtuesit zikaltër do të takojnë agjentin e sulmuesit dhe ndërmjetësit.
Sipas medias italiane tani Interi është përpara të gjithë pretendentëve të tjerë, përkatësisht Borusia Dortmundit, Njukasëllit, Seviljës dhe Arsenalit.
E vetmja pengesë e kësaj tratative është se Interi duhet të largojë lojtarët që nuk janë shumë të dëshiruar dhe që kanë pagë relativisht të lartë, siç është Aleksis Sançez, i cili përfiton 7,5 milionë euro në sezon.
