Dua Lipa ka shijuar një udhëtim të veçantë vetëm me vajzat në Portofino të Italisë, ku është bashkuar me shoqet për të festuar martesën e afërt të mikeshës së saj të ngushtë, Ella-s.
Këngëtarja 30-vjeçare ndau disa momente nga arratisja në Instagram, duke treguar atmosferën festive dhe pamje nga pushimet.
Në fotografitë e publikuara, Dua shfaqet me bikini trekëndëshe teksa relaksohet pranë detit, ndërsa në një tjetër moment pozon me nusen e ardhshme, e veshur me një fustan të bardhë sateni.
“Udhëtim i madh sepse Ella do të martohet”, shkroi këngëtarja në përshkrimin e postimit.
Festimet kanë vijuar edhe gjatë mbrëmjeve, ku Dua dhe shoqet e saj janë shfaqur me pizhame rozë dhe të bardha të njëjta, duke pozuar për selfie dhe duke shijuar kohën së bashku.
Udhëtimi në Portofino vjen pak kohë pasi Dua Lipa kurorëzoi lidhjen e saj me aktorin Callum Turner.
Çifti zhvilloi ceremoninë e martesës në Londër dhe më pas vijoi festimet në Siçili, ku organizoi një festë luksoze disa ditore.
Pas muajit të mjaltit, të cilin Dua e përshkroi si “parajsë në tokë”, këngëtarja është rikthyer gradualisht edhe në angazhimet profesionale.
Ndërkohë, fotografitë nga Portofino kanë tërhequr vëmendjen e fansave, të cilët kanë komentuar pamjen dhe stilin e saj gjatë pushimeve.
Burimi: botasot.info
