Me promovimin e shtatë veprave të autorëve suedesë në gjuhën shqipe, që i sjell Shtëpia Botuese “Shkupi”, filluan Ditët e Letërsisë Suedeze në Shkup.
Promovimi i veprave u bë në sallën e mbledhjeve të Këshillit të Komunës së Tetovës dhe për to folën shkrimtarët dhe publicistët Riza Sheqiri, Sokol Demaku dhe botuesi Azam Dauti, ndërkaq për një vepër nga historia shqiptare botuar në gjuhën suedishte, foli shkrimtari Hamit Gërguri.
Manifestimin që mbahet si bashkëpunim midis SHB “Shkupi”, Shoqatës Kultuore të Shqiptare “Migjeni” nga Borasi i Suedisë me mbështetje të institucioneve kulturore suedeze dhe komunës së Çairit, e përshëndetën edhe kryetari i komunës, Visar Ganiu dhe ambasadorja e Suedisë në Maqedoni, Ami Larson Xhejn.
Manifestimi vazhdon sot dhe nesër me aktivitete të tjera, ku janë përfshirë leximet poetike në Gjimnazin “Zef Lush Marku” dhe Shkollën Fillore “Adem Jashari”.
