Bashar Al-Assad, diktatori i Sirisë ka telefonuar homologun e tij rus Vladimir Putin për të shprehur mbështetjen e tij për veprimet e Moskës në Ukrainë, sipas një deklarate të lëshuar nga zyra e presidentit sirian.
“Gjatë telefonatës, ata folën për situatën në Ukrainë dhe operacionin special ushtarak nga Federata Ruse për të mbrojtur popullsinë civile në rajonin e Donbasit”, thuhet në deklaratë.
“Shkëlqesia e tij [Assad] theksoi se Siria qëndron me Federatën Ruse, bazuar në bindjen e saj për korrektësinë e pozicionit të saj”, thuhet në deklaratë.
Ndryshe, bazuar në raporte ndërkombëtare, deri tash janë dhjetëra civilë të vrarë në Ukrainë e qindra të plagosur pasi Rusia pa asnjë arsye nisi pushtimin e vendit.
