Dy deputetët e Lëvizjes Vetëvendosje, Eman Rahmani dhe Visar Korenica ishin pjesëmarrës në Kongresin e Parë të partisë Alternativa.
Ata kanë përgëzuar krerët e partisë, duke i përgëzuar për angazhimin e tyre politikë, posaçërisht në ruajtjen e familjes tradicionale shqiptare.
“Sot së bashku me deputetin Visar Korenica ishim mysafir në kongresin e parë të Partisë ALTERNATIVA në Republikën e Maqedonisë së Veriut. Alternativës dhe kryetarit Afrim Gashi i uruam shumë suksese në angazhimin e tyre politik për avancimin e statusit të shqiptarëve, ruajtjes së identitetit kombëtar, si dhe përgëzuam për punën që kanë bërë dhe po bëjnë në ruajtjen e familjes tradicionale siç ka qenë çdo herë tek shqiptarët. Angazhimi politik i kuadrove me integritet e profesional siç ka ALTERNATIVA, janë çdo herë në dobi të shqiptarëve në përgjithësi”, ka shkruar deputeti Eman Rrahmani.
