Lewandowski doli dhe u prezantua në një Camp Nou të tejmbushur për të pozuar me fanellën e klubit të tij të ri, me numrin 9 në shpinë. Ky numër u vesh nga Memphis Depay sezonin e kaluar.
Megjithatë, drejtuesit e klubit vendosën që numri nëntë t’i shkonte yllit të ri të skuadrës dhe holandezi nuk mund të kundërshtonte shumë.
Presidenti i klubit, Joan Laporta, ka folur për rastin e ‘heqjes’ së fanellës me numrin nëntë nga Depay.
“Lewandowski dhe numri 9? Ishte vendim i klubit. Është e gjitha në interes të klubit dhe tifozëve. Prandaj e morëm këtë vendim. Ne e respektojmë Memphisin dhe ai e kuptoi plotësisht vendimin tonë,” tha Laporta.
