Shtetet e Bashkuara të Amerikës do ta zgjerojnë listën e zezë dhe me emra të tjerë, edhe pse nuk japin afat kohor se kur mund të ndodh kjo gjë.
Pas vendosjes së ish-zëvendëskryeministrit të parë, Artan Grubit dhe të gjykatësit Enver Bexhetit në listën e zezë amerikane, DASH thonë se do të vazhdojë tutje misioni për promovimin e përgjegjësisë dhe sundimit të së drejtës.
“Ashtu si hetimet nxjerrin prova të reja për sjellje të pahijshme, posaçërisht të atyre që janë në pozicione të fuqishme, presim të vijoj përditësimi i listës së sanksioneve. Edhe pse nuk mund të sigurojmë një korrnizë konkrete kohore, mund të themi se besojmë që do të shtohen shumë emra dhe mund të prisni se të gjitha sanksionet e ardhëshme, do ta pasqyrojnë përkushtimin tonë në promovimin e përgjegjësisë dhe mbështetjes për sundimin e së drejtës në RMV”, thonë nga DASH.
Për Zërin e Amerikës në gjuhën maqedonase, SHBA thotë se askush nuk është mbi ligjin dhe porositi që të respektohet pavarsia e gjyqsorit.
“Askush nuk është mbi ligjin, ndryshojini mjetet dhe ligjet tuaja ekzistuese për rezultate më të mëdha dhe respektojeni pavarsinë e gyqsorit. Populli meriton që liderët dhe funksionarët e tij të mbjanë përgjegjësi. SHBA mbështet denimin e atyre që shfrytëzojnë zbraztirat ligjore dhe që punojnë për interesin e tyre, në vend të interesit të njerëzve që e kanë zgjedhur në atë funksion”, deklaruan nga DASH.
Nga DASH thonë se korrupsioni vazhdon të jetë pengesë e madhe për përparimin e Maqedonisë së Veriut, ata theksojnë se mbeten optimist për angazhimin e vendit për të zbatuar reformat e nevojshme dhe se rruga evropiane është kyçe për sigurinë dhe stabilitetin rajonal.
Burimi: TV KLAN
