Trajneri i Dukagjinit, Armend Dallku, ka folur pas ndeshjes me Drenicën, nga ku doli si fitues me tri pikë të plota.
Ndeshja e zhvilluar në ‘Bajram Aliu’ u fitua nga Dukagjini me rezultat 1-0, me golin e vetëm të shënuar nga Arbnër Shala.
‘Timonieri’ i Dukagjinit, Dallku, u shfaq i kënaqur me paraqitjen e ekipit dhe tri pikët e plota.
“Dua t’i përgëzoj lojtarët për angazhimin në këtë ndeshje. E kemi motivuar ekipin shumë dhe kemi pasur raste të shumta shënimi. Në pjesën e parë nuk e kemi lejuar kundërshtarin të na rrezikojë”.
“Jam i lumtur me këto tri pikë dhe shpresoj të vazhdojmë kështu edhe në takimet e radhës”.
“Të rëndësishme janë pikët pasi kemi shumë ndeshje që kemi bërë lojë të mirë, por nuk kemi arritur të vijmë te pikët”, ka thënë Dallku.
Dukagjini mbetet i teti me 33 pikë, dy më pak se Drenica që është në vendin e shtatë.
