Një çift nga Gjermania bëri një pushim në një zonë pushimi pranë Krenglbach distrikti Wels-Land në Austri, i cili përfundoi në një vjedhje, një ndjekje makine dhe një gomë të shpuar.
Çifti duhet të ketë fjetur mirë – të paktën deri në orën 6:30 të mëngjesit kur të dy u zgjuan, sipas mediave austriake.
Tre persona ende të panjohur për policinë, thyen dritaren e veturës dhe vodhën një çantë, pas së cilës dhe u larguan me automjetin e tyre.
Më pas, burri 33-vjeçar gjerman filloi ndjekjen e tyre, por shumë shpejt hetoi se njëra nga gomat e veturës së tij ishte shpuar. Ai pa vetëm sesi të huajt po largoheshin në drejtim të qytetit Linz.
Sipas policisë autorët duhet të kishin shpuar gomën e pasme të çiftit që të mos e ndiqnin.
Parkimi i Autobahn në Krenglbach ishte vetëm skena e një grabitjeje të të njëjtit model në qershor. Edhe në atë kohë një çift ka fjetur në makinë, autorët kanë thyer xhamin dhe i kanë vjedhur çantën e dorës. Më parë ata kishin shpuar edhe një gomë për të mos u ndjekur.
